إمبراطورية العرجاني في حالة ذعر…
يا جماعة، اللي بيحصل معايا هو كوميديا سوداء بتكشف الوش الحقيقي للي بيسموه بطل سيناء. إحنا قدام حالة رعب رقمي غير مسبوقة، وخلوني أحكي لكم القصة عشان تعرفوا مين اللي بيحاول يدير مشهد الرئاسة القادم في مصر:
1. المحاولة الأولى “الفاشلة”:
من يومين، نشرت صورة بتكشف طموح إبراهيم العرجاني السياسي. والمفاجأة؟ البلاغ اللي جالي على إكس مكنش من مكتب محامي، ده كان بلاغ باسم إبراهيم العرجاني شخصياً!
الرجل اللي بيقود ميليشيات وقبائل، ساب كل حاجة وقعد قدام اللابتوب عشان يبعت DMCA لمسح صورة وجعته. لما الرأس الكبيرة تتحرك بنفسها عشان بوست، يبقى الكلام لمس العصب فعلاً.
2. المحاولة الثانية:
لما لقوا إن البلاغ الشخصي ممسحش التأثير، لجأوا لأحط أسلوب في عالم تبييض السمعة.
موقع اسمه “الموجز بلس” (El Mogaz Plus)، ومديره المدعو مراد المنصوري، سرقوا المقال اللي كتبته عن “إمبراطور سيناء الجديد” حرفياً، ونشروه عندهم كوبي بيست، وبعدها بلحظات قدموا بلاغ لشركة إكس بيدّعوا فيه إنهم أصحاب المقال وإني أنا اللي سارقه!
ليه كل ده؟
لأن المقال كشف البعبع اللي بيتم طبخه في سيناء.
لأنهم خايفين من المقارنة بين العرجاني وحميدتي السودان.
لأن تفاصيل سمسمرة المعبر وعلاقات إسرائيل وعلاج ابنته في تل أبيب، حقائق هما مش عارفين يردوا عليها بالمنطق، فقرروا يردو عليها بـ السرقة والبلاغات الكاذبة.
كلمة لمراد المنصوري ومن وراءه:
إذا كنت فاكر إنك لما تسرق المقال وتبلغ عني هتقدر تغسل سمعة ولي نعمك، تبقى واهم. إحنا في عصر النسخة المخبأة والأرشيف الرقمي. السرقة دي أكبر اعتراف بإن المقال فشخكم.
يا فخر السيناوية، اللي عايز يبقى رئيس أو قائد، مبيخافش من بوست، ومبيفرغش موظفين يسرقوا مقالات الناشطين عشان يمسحوها.
الكلمة طلعت.. والناس عرفت.. والمنع مش بيزيدنا غير إصرار.
والمقال هيرجع ينزل ويفضح قذارتكم يا عرص منك ليه..
